Türkiyənin ilk üzən neft istehsalı, saxlama və boşaltma (FPSO) gəmisi artıq ölkə sularındadır.

“Seanews.az” xəbər verir ki, nəhəng qurğu 2026-cı ildə 20 illik müqavilə əsasında işə başlayacaq. FPSO-nun Qara dənizdəki Sakarya yatağından qaz hasilatını iki dəfə artıracağı gözlənilir.

Türkiyə gəmini keçən il əldə edib və bu yaxınlarda “ExxonMobil”, “Shell” və “TotalEnergies” ilə 10 illik bir sıra LNG tədarükü müqavilələri imzalayıb.

“BW Offshore” şirkətindən alınan gəmi Sinqapurdan Çanaqqalaya “Boskalis”ə məxsus “Vanguard” yarımdalma ağır nəqliyyat gəmisinin göyərtəsində gəlib.

2024-cü il avqustun sonunda “BW Offshore” şirkəti FPSO-nun köçürülməsi ilə bağlı ilkin layihələndirmə və mühəndislik işlərinin tamamlandığını təsdiqlədi.

Uzunluğu 298,45 metr, eni 56 metr və hündürlüyü 58 metr olan nəhəng qurğu gündə 10,5 milyon kubmetrə qədər təbii qaz emal edə biləcək. Üzən gəmi sahildən təxminən 170 km aralıda yerləşəcək.