İsrailin "El Al" milli aviaşirkəti cümə günü axşam və şənbə günü, Amsterdamda israilli futbol azarkeşlərinə edilən gecə hücumlarından sonra Hollandiyadan İsrailə xilasedici uçuşlar həyata keçirəcəyini açıqlayıb.
Aviaşirkət ənənəvi yəhudi dini qanunlarına uyğun olaraq adətən şənbə günləri uçmur.

Milli aviaşirkətin məlumatına görə, "El Al" və bütün digər aviaşirkətlərlə Amsterdamdan İsrailə gediş-gəliş biletləri bron etmiş bütün sərnişinlər üçün uçuşlar pulsuz olacaq.

"El Al" xəbər verir ki, ilk reys Amsterdamdan yerli vaxtla saat 14:00-da yola düşəcək və cümə günü axşam İsrailə qayıdacaq.

Aviaşirkət əlavə edib ki, cümə günü Amsterdamdan Təl-Əvivə hər biri təxminən 350 sərnişin daşıyacaq iki müntəzəm reys həyata keçiriləcək.

Avropa Liqasında İsrailin "Makkabi Təl-Əviv" - "Ayaks" matçı ərəfəsində Amsterdamda azı 57 nəfər həbs edilib. Daha sonra sosial şəbəkələrdə azarkeşlər arasında toqquşmanın daha şiddətli epizodlarının əks olunduğu kadrlar yayılıb.

İsrail Müdafiə Qüvvələri Amsterdama "dərhal xilasetmə missiyası göndərməyə" hazırlaşdığını açıqlayıb.