2024-cü il messencer üçün çox şanslı oldu. Bu barədə Telegram-ın təsisçisi Pavel Durov məlumat verib.
Pavel Durovun sözlərinə görə, messencer üç illik monetizasiyadan sonra ilk dəfə gəlir gətirməyə başlayıb.

— Bu il Telegram Premium abunəçilərinin sayı üç dəfə artaraq 12 milyonu ötüb. Reklam gəlirlərimiz də bir neçə dəfə artdı. Nəticədə, Telegram-ın ümumi gəliri 2024-cü ildə 1 milyard dolları ötüb və biz ili kripto aktivlər daxil olmaqla 500 milyon dollardan çox pul ehtiyatı ilə başa vururuq, Pavel Durov Telegram kanalında bildirib.

O qeyd edib ki, dörd il ərzində Telegram təqribən 2 milyard dollar məbləğində borc öhdəlikləri buraxıb və bu payızda onların əhəmiyyətli bir hissəsi ödənilib.

— Bu il monetizasiya çərçivəsində yeniliklərimiz — ulduzlar, hədiyyələr, mini proqramlar, tərəfdaş platforması, Telegram Business və Telegram Gateway — sosial şəbəkə platformalarının müstəqil qalaraq və istifadəçilərin hüquqlarına hörmət edərək maliyyə sabitliyinə nail ola biləcəyini göstərir, Pavel Durov vurğulayıb. .