Özbəkistanın paytaxtında “Mərkəzi Asiyada su diplomatiyası: problemlər, həll yolları və əməkdaşlıq” mövzusunda elmi-praktik konfrans keçirilib.

Konfransda nüfuzlu beynəlxalq ekspertlər, Özbəkistanın Ekologiya Nazirliyinin nümayəndələri, deputatlar və BMT-nin İnkişaf Proqramının mütəxəssisləri iştirak ediblər. 

BMT-nin araşdırmalarına görə, yaxın illərdə Sırdərya və Amudərya çaylarında suyun həcmi 15% azala bilər. Müvafiq olaraq, bu, Mərkəzi Asiya ölkələrinin iqtisadi inkişafına mənfi təsir göstərəcək. O cümlədən, su çatışmazlığı səbəbindən rayonun ümumi daxili məhsulu 11% azala bilər.

Ekspertlər problemin həlli kimi regionda əməkdaşlığın gücləndirilməsini, su diplomatiyasının inkişaf etdirilməsini təklif edirlər. Ekspertlərin fikrincə, bütün tərəflərin maraqlarını nəzərə alaraq effektiv strategiya qəbul etmək lazımdır.

BMT ekspertləri qeyd ediblər ki, su təsərrüfatı üzrə mütəxəssislərin hazırlanmasına təkan vermək məqsədəuyğun olardı. Müvafiq olaraq, Təşkilat Mərkəzi Asiya ölkələri üçün lazım olan kadrların hazırlanması planını dəstəkləmək, onların ixtisaslarını artırmaq niyyətindədir.

Bundan əvvəl ekspert Dinara Ziqanşina agentliyə müsahibəsində bildirmişdi ki, Mərkəzi Asiyada su çatışmazlığı problemi yalnız konstruktiv dialoq yolu ilə həll edilə bilər.

Xəbər verildiyi kimi, Beynəlxalq Təbiəti Mühafizə İttifaqı Mərkəzi Asiyada su diplomatiyasını inkişaf etdirmək niyyətindədir.

Mərkəzi Asiya və Əfqanıstan suyun idarə olunması sahəsində əməkdaşlığı gücləndirməkdə maraqlıdırlar