Bir gün əvvəl Gürcüstanda müasir multimodal konteyner terminalının təntənəli açılış mərasimi keçirilib - o, Gürcüstanın qərbində Poti limanı yaxınlığında açılıb və ildə 80 mindən çox konteynerə xidmət göstərəcək.
Sputnik Gürcüstan xəbər verir ki, bu, TMTM-in inkişafına müsbət təsir göstərəcək əlavə logistika mərkəzidir, İqtisadiyyat və Davamlı İnkişaf nazirinin müavini Quram Quramişvili açılış mərasimində bildirib.
Terminal Poti limanının yaxınlığında yerləşir, 9 hektardan çox ərazini tutur və ilk mərhələdə 80 mindən çox konteynerə xidmət göstərəcək, eyni zamanda 120-yə qədər dəmir yolu vaqonuna xidmət göstərə biləcək.

Layihəni Gürcüstan və Qazaxıstanın birgə şirkəti olan “Poti Transterminal” ASC həyata keçirib. Layihənin investisiya dəyəri - 31,5 milyon dollardır.