Yaponiya hökumətinin dərc olunmuş məlumatlarına əsasən, 2025-ci ilin ilk altı ayında ölkəyə rekord sayda xarici turist gəlib - 21,5 milyon nəfər, Kyodo News Yaponiya Milli Turizm Təşkilatının məlumatına isti adla yazır ki, bu göstərici bir il əvvəl müəyyən edilmiş 17,78 milyon nəfərlik əvvəlki rekordu üstələyib.

İyun ayında xarici turistlərin sayı 3,38 milyon nəfər olub ki, bu da ötən illə müqayisədə 7,6% çoxdur.

İlin birinci yarısında ən çox turist Cənubi Koreya və Çindən qeydə alınıb.

Bununla belə, səyahət edənlərin sayının kəskin artması Yaponiyada da bir sıra problemlərə, o cümlədən, populyar istiqamətlərdə yerli sakinlərin həyat keyfiyyətinə təsir edən həddindən artıq turizmə səbəb olub.

Bu arada, Yaponiya Turizm Administrasiyasının hesablamalarına görə, aprel-iyun aylarında xarici turistlərin xərcləri təxminən 2,5 trilyon yen (təxminən 16,8 milyard dollar) təşkil edib ki, bu da ötən ilin eyni dövrü ilə müqayisədə 18% çoxdur.

Orta hesabla hər turist Yaponiyada təxminən 239 000 yen xərcləyib. İngilislər ən çox xərcləyib – təxminən 444.000 yen, 398.000 yen ilə italyanlar və 396.000 yen ilə almanlar.