WSJ. Tehran və Pekin barter sxemi təşkil etdilər, ona görə də Çin neft tədarükü müqabilində İranda infrastruktur obyektləri tikir. Həmçinin İran Çindən malların çatdırılmasını “qara qızıl”la ödəyir.
“The Wall Street Journal” qəzeti yazır ki, Çin İslam Respublikasından neft tədarükünün haqqını ödəmək üçün İranda infrastruktur obyektləri tikir.    

Medianın məlumatına görə, sığorta və maliyyə şirkətləri Sinosure və Chuxin bu sxemdə iştirak edir. Məsələn, 2024-cü ildə təxminən 8,4 milyard dollar neft ixracı İran ərazisində iri tikinti layihələrinin həyata keçirilməsinə yönəldilib. 

Qeyd olunur ki, Pekin və Tehran bundan əvvəl İranın infrastrukturunun modernləşdirilməsinə Çin investisiyaları barədə razılığa gəliblər. Bu, təxminən 25 milyard dollardır. Dörd il əvvəl maliyyələşmənin sürəti əhəmiyyətli dərəcədə artmışdır. 

WSJ-nin yazdığı kimi, tərəflər həmçinin İran neftinin Çin məhsulları ilə dəyişdirilməsini də təcrübədən keçirirlər.