“Əmək bazarında şəffaflaşma nəticəsində məcburi dövlət sosial sığorta ödənişləri üzrə daxilolmalar artıb”.

Azadmedia.az xəbər verir ki, bu barədə iqtisadiyyat naziri Mikayıl Cabbarovun sosial şəbəkədəki paylaşımında deyilir.

Nazir qeyd edib ki, Dövlət Sosial Müdafiə Fondunun büdcə asılılığı azalıb:

“Belə ki, 2017-ci ildə büdcədən maliyyələşmənin xüsusi çəkisi 38,1 faiz idisə, 2020-ci ildə bu göstərici 25 faizdən azdır”.