Türkiyə 2030-cu ilə qədər qaz tədarükündən asılılığı aradan qaldırmağı hədəfləyir. Azadmedia.az “RİA Novosti”-yə istinadla xəbər verir ki, bu barədə Türkiyə Neft Şirkətinin (TPAO) baş direktoru Melih Xan Bilgin bildirib.

Türkiyənin əsas qaz tədarükçülərindən biri Rusiyadır (44%). Energetika və təbii sərvətlər naziri Fatih Dönməz daha əvvəl demişdi ki, Ankara tədarükün bir hissəsini rublla ödəyir və qiymətlə bağlı danışıqlar aparır.

"Artıq qarşıdakı illəri planlaşdırırıq. 2030-cu ilə qədər hədəfimiz Türkiyənin təbii qazdan asılılığını aradan qaldırmaqdır. 2022-ci ildə Türkiyənin enerji idxalı baxımından təxminən 90-100 milyard dollar kəsiri var. Türkiyənin əsas problemi cari hesab kəsiri və enerji idxalıdır. Bir ayda 8-9 milyard dollar kəsir var. Biz onu bağlamağa çalışırıq”, - Bilgin “Sabah” qəzetinə istinadən yazıb.

Türkiyənin Qara dənizdə kəşf etdiyi qaz ehtiyatlarından danışan TPAO rəhbəri deyib ki, “söhbət 30-40 il ərzində hasil oluna biləcək ehtiyatdan gedir”.

"Birinci mərhələdə gündə 10 milyon kubmetr qaz hasil edəcəyik. İlk növbədə, ümumi tələbatın 10 faizini əvəz edəcəyik. Ayda 9 milyard dollar xərcləmək əvəzinə, 8 milyard dollar xərcləyəcəyik".

Xatırladaq ki, Türkiyə 2020-ci ildə Qara dənizdə həcmi 540 milyard kubmetr olan böyük qaz yatağı kəşf edib. Daha sonra prezident Tayyib Ərdoğan yatağı ölkənin ən böyük yatağı adlandırıb. O, həmçinin Qara dənizdə ehtiyatı 58 milyard kubmetr olan qaz yatağının aşkar edildiyini, ehtiyatların smetasının 652 milyarda, Qara dənizdəki ümumi qaz ehtiyatlarının isə 710 milyard kubmetrə çatdığını və dəyərinin ABŞ dolları olduğunu bildirib. Beynəlxalq bazarlarda məbləğ 1 trilyon qiymətləndirilir.