Azərbaycan Yerüstü Nəqliyyat Agentliyi (AYNA) bir müddət açıqlamışdı ki, Bakıda fəaliyyət göstərən taksi avtomobillərinin 62%-nin yaşı 15 ili ötür. Yeni dəyişikliklərdə taksi kimi istifadə edilən avtomobillərə 15 il tələbi gətirilir.

Bu isə o deməkdir ki, hazırda Bakıda taksi fəaliyyəti göstərən avtomobillərin təxminən üçdə ikisi iyuldan sonra taksi üçün yararsız olacaq. Bu isə taksilərin qiymətlərinin artması ilə yanaşı, taksilərin sayının ciddi azalmasına da yol açacaq.

15 il məsələsi ölkədə son illər ən populyar investisiya növlərindən birinə çevrilən Prius alıb icarəyə verilməsi sahəsinə də təsir edəcək.

Artıq bu avtomobillərin taksi nəqliyyat üçün cəlbediciliyinin azalmasından sonra həmin avtomobillərin qiymətlərində ucuzlaşma gözləmək olar.