Qazaxıstanda iki rayonu birləşdirəcək su anbarının üzərindən körpü tikilir. Körpünün uzunluğu 1,3 min metrdən çox olacaq, o, Qazaxıstanda ən böyük körpü olacaq.
Qazaxıstanda Buxtarma su anbarı üzərindən körpünün tikintisi üzrə işlər aparılır.

Respublikanın Nəqliyyat Nazirliyindən dəqiqləşdiriblər ki, tikilməkdə olan körpü Qazaxıstanın ən böyük körpüsüdür.
Körpü Şərqi Qazaxıstan vilayətinin Kürçum rayonunda inşa edilir.
Tikintiyə 2021-ci ildə başlanılıb və 2025-ci ilin sonunda açılışı planlaşdırılır. Hazırda işlərin davam etdirilməsi üçün müvəqqəti texnoloji körpü tikilib. Yeni körpünün dayaqları 81% tamamlanıb, 21 dayaqdan dördü tamamlanmaq üzrədir. Mütəxəssislər aralıqların 50%-ni quraşdırıblar.
Ətrafdakı infrastruktur da yaxşılaşdırılır - giriş yolunda təmir işləri aparılır.
Buxtarma su anbarı Qazaxıstanın ən böyük su anbarıdır və ərazisinə görə dünyanın ilk 10 ən böyük süni su anbarı sırasındadır. O, İrtış çayı üzərindəki su elektrik bəndindən əmələ gəlmişdir.