Azərbaycanın Baş naziri Əli Əsədov fevralın 17-də Tehrana işgüzar səfəri çərçivəsində İranın birinci vitse-prezidenti Məhəmməd Rza Arefi ilə görüşüb.

Görüşdə Azərbaycan və İran arasında əlaqələrin hazırkı vəziyyəti, o cümlədən iqtisadiyyat, ticarət, investisiya, nəqliyyat və tranzit, neft-qaz, enerji və humanitar sahələrdə əməkdaşlığın perspektivləri müzakirə olunub.

Həmçinin bildirilir ki, tərəflər İran ərazisində “Şərqi Zəngəzur-Naxçıvan” marşrutu üzrə nəqliyyat infrastrukturunun tikintisi layihələrinin icrası, “şimal-cənub” nəqliyyat dəhlizinin inkişafı və digər layihələrin icra vəziyyətini nəzərdən keçiriblər.