Türkiyənin VATAN (Vətən) Partiyasının sədri Doğu Perinçək Ankaranı iş adamlarını Rusiya ilə ticarət etdiklərinə görə sanksiya ilə hədələyən amerikalı diplomatları persona non qrata elan etməyə çağırıb. RİA Novosti xəbər verir ki, siyasətçi hesab edir ki, Türkiyə ilə Rusiya arasında ödəniş problemi səbəbindən ölkə iqtisadiyyatı dalana dirənib.
Bundan əvvəl Türkiyə mediası ABŞ-ın Ankara və İstanbuldakı səfirliyi və konsulluğunun diplomatlarının Türkiyə maliyyə qurumlarına səfər edərək, onları Rusiya ilə ticarət əlaqələrinə görə problemlərlə hədələdikləri barədə məlumat yayıb.
Perinçək Rusiya ilə birbaşa və ya dolayısı ilə ticarət edən türk təşkilatlarının ABŞ-ın qara siyahısına düşmə riski ilə üzləşdiyini bildirib. Bundan əlavə, Rusiya Federasiyasından Türkiyəyə xarici valyutanın köçürülməsi mexanizmlərinə təzyiq edilir, ikincisi isə qıtlıqdan əziyyət çəkir.

“Türkiyə iqtisadiyyatı ən böyük ticarət tərəfdaşımız olan Rusiya ilə ticarət maneələri üzündən dalana dirənib. Şirkətlərimizə təzyiq göstərən və təhdid edən amerikalı diplomatlar persona non-qrata elan edilməli və öz ölkələrinə qovulmalıdırlar”, - deyə siyasətçi bildirib.