BMT bloklanmış Rusiya gübrə gəmilərinin hərəkətinə başlamaq üçün çalışır. Birləşmiş Millətlər Təşkilatı Rusiya gübrələri ilə limanlarda bloklanan gəmilərin ehtiyacı olan ölkələrə hərəkətinə icazə verilməsi üzərində işləyir. Azadmedia.az xəbər verir ki, bu barədə baş katib Antonio Quterreşin ofisində məlumat verilib.

"Bir sıra Rusiya gəmiləri gübrələrlə təchiz olunub və biz onların <...> ən çox ehtiyacı olan ölkələrə getməsini təmin etmək üçün çalışırıq", - təşkilatın nümayəndələri bildiriblər.
BMT Baş katibinin sözçüsü Stefan Düjarrik bildirib ki, Ticarət və İnkişaf Təşkilatı Konfransının rəhbəri Rebekka Qrinspan və onun həmkarları vəziyyəti mümkün qədər tez həll etmək üçün bütün tərəflərlə daim çalışırlar.

Bundan əvvəl BMT taxıl sazişi üzrə danışıqların daha bir mərhələsinin çıxılmaz vəziyyətə düşdüyü barədə məlumat vermişdi.