Aİİ ölkələrinin prezidentləri cümə axşamı Moskvada Ali Avrasiya İqtisadi Şurasının illik iclası çərçivəsində görüşəcəklər. İclasa Rusiya prezidenti Vladimir Putin sədrlik edəcək. Azadmedia.az xəbər verir ki, bu barədə Kremlin mətbuat xidməti məlumat yayıb.

Gündəliyə enerji və ərzaq təhlükəsizliyi, həmçinin Aİİ üzv dövlətlərinin maliyyə və texnoloji müstəqilliyi ilə bağlı məsələlər daxildir.

Digər məsələlərə rəqəmsal transformasiyanın sürətləndirilməsi, tənzimləyici və ticarət maneələrinin aradan qaldırılması, nəqliyyat infrastrukturunun inkişafı və s.

Dövlət başçıları İttifaqın beynəlxalq fəaliyyəti, üçüncü ölkələr və regional birliklərlə ticarət-iqtisadi əlaqələrin genişləndirilməsi məsələlərini müzakirə etməyi planlaşdırıblar.

Belarus, Qazaxıstan və Qırğızıstan prezidentləri bir gün əvvəl Moskvaya gələrək II Avrasiya İqtisadi Forumunda iştirak ediblər. Ermənistanın baş naziri bu gün Aİİ tədbirlərində iştirak etmək üçün gəlib.