Azərbaycan Dəmir Yolları transformasiya mərhələsini yaşayır. Bunu Birinci Xəzər Beynəlxalq Nəqliyyat və Logistika Forumu zamanı “Azərbaycan Dəmir Yolları” QSC sədrinin müşaviri Emil Məmmədov deyib.

Onun sözlərinə görə, “Azərbaycan Dəmir Yolları” Qapalı Səhmdar Cəmiyyətinin infrastrukturunun təkmilləşdirilməsi, xüsusən də yüklərin çatdırılma müddətinin 35 gündən 11-15 günə enməsinə şərait yaradıb.

Məmmədov Şimal-Cənub dəhlizinin inkişafına da toxunub.

“ARW Şimal-Cənub dəhlizi üzrə yük dövriyyəsini 54 milyon tona qədər artırmaq imkanına malikdir”, - deyə o bildirib.

Bundan başqa, Məmmədovun sözlərinə görə, Azərbaycan Dəmir Yolları tranzit prosedurlarını təkmilləşdirməyi qarşısına məqsəd qoyub. Bu məqsədlə hazırda bir sıra tədbirlər həyata keçirilir.

“Biz artıq həm tədarük həcmi, həm də sürət baxımından nəticələri görürük. Bu prosedurları təkmilləşdirmək üçün Türkiyə və Gürcüstan kimi qonşu ölkələrlə də tarif şərtləri üzərində işləyirik”.

Qeyd edək ki, Bakı Konqres Mərkəzində Birinci Xəzər Beynəlxalq Nəqliyyat və Logistika Forumu öz işinə başlayıb.

Təşkil olunan forum ilk dəfədir ki, mayın 31-dən iyunun 2-dək ölkədə keçirilən 20-ci yubiley Xəzər Beynəlxalq Nəqliyyat, Tranzit və Logistika Translogistica Caspian sərgisi çərçivəsində keçirilir.